Scritto da Pietro Rega | 12 Novembre 2008
Posted in La Cultura Campana - Musica Napoletana

Dduje Paravise

di Melina, E.A.Mario

Questa canzone parla di due musicisti ( prufessure 'e cuncertino) che decidono di andare a suonare in Paradiso. Bussarono alle porte del paradiso e San Pietro li fa entrare solo perchè sono di Napoli.Una volta entrati i due eseguirono tutto il repertorio classico di canzoni Napoletane, e tutti gli angeli li stettero a sentire. Dopo un po' i due decidono di ritornare a Napoli, San Pietro resta scandalizzato ( siete Pazzi Che dite,) e i due spiegano che il loro Paradiso è Napoli con i suoi Luoghi, la sua Gente i suoi Odori. Questa è una canzone in omaggio a Napoli e alle sue Bellezze. 
 

TESTO
Duje viecchie prufessure 'e cuncertino,
nu juorno, nun avevano che fá.
Pigliájeno 'a chitarra e 'o mandulino
e, 'nParaviso, jèttero a suná:

- Ttuppe-ttù... - "San Pié', arapite!...
ve vulimmo divertí..."
"Site 'e Napule?! Trasite!
e facitece sentí..."

 

 "V'avimm''a fá sentí doje, tre canzone,
ca tutt''o Paraviso ha da cantá:
Suspire 'e vase...Museca 'e passione...
Rrobba ca sulo a Napule se fa...

 

 E 'a sera, 'nParaviso, se sunaje
e tutt''e Sante jèttero a sentí...
'O repertorio nun ferneva maje:
"Carmela, 'o Sole mio, Maria Marí..."

"Ah, San Pié, chesti ccanzone,
sulo Napule 'e ppò fá...
arapite stu barcone:
'A sentite 'sta cittá?...

 E, sott''o sole e 'a luna, vuje sentite
sti vvoce, ca só' voce 'e giuventù...
Si po' scennite llá, nun 'o ccredite?!
Vuje, 'nParaviso, nun turnate cchiù!..."

 Ma, doppo poco, da 'a malincunía
'e viecchie se sentettero 'e pigliá:
Suffrévano nu poco 'e nustalgía
e, a Napule, vulèttero turná:

"Mo, San Pié, si permettite,
nuje v'avimm''a salutá..."
"Site pazze! Che dicite?
Nun vulite restá ccá?!"

"Nuje simmo 'e nu paese bello e caro
ca tutto tène e nun se fa lassá:
Pusìlleco, Surriento, Marechiaro...
'O Paraviso nuosto è chillu llá!"