Scritto da Pietro Rega | 06 Maggio 2009
Posted in La Cultura Campana - Musica Napoletana

Come Facette Matteta

di G. Capaldo, S. Gambardella

Testo:

Quanno mammeta t'ha fatta
quanno mammeta t'ha fatta
vuo' sape' comme facette
vuo' sape' comme facette

Pe 'mpastà sti ccarne belle
Pe 'mpastà sti ccarne belle
Tutto chello che mettette?
Tutto chello che mettette?

Ciente rose 'ncappucciate
Dint''a martola mmiscate:
Latte e rrose, rose e latte
te facette 'ncopp' 'o fatto.

Nun c'è bisogno 'a zingara
P''addivinà Cuncè,
Comme t'ha fatto mammeta.
'O saccio meglio 'e te.


E pe' fa sta vocca bella
E pe' fa sta vocca bella
Nun servette 'a stessa 'addosa
Nun servette 'a stessa 'addosa

Vuò sapè che 'nce mettette?
Vuò sapè che 'nce mettette?
Mo te dico tuttocosa
Mo te dico tuttocosa:

'Nu panaro chino chino
Tutt''e fravule 'e ciardino,
Mele, zucchero e cannella
Te 'mpastaie sta vocca bella.

Nun c'è bisogno 'a zingara
P''addivinà Cuncè,
Comme t'ha fatto mammeta.
'O saccio meglio 'e te.


E pe' fa sti ttrezze d'oro
E pe' fa sti ttrezze d'oro,
mamma toia s'appezzentette,
Mamma toia s'appezzentette,
Bella mia tu quà muneta?
Bella mia tu quà muneta?
Vuò sapè che 'nce servette?
Vuò sapè che 'nce servette?

'Na miniera sana sana
Tutta fatta a filagrana
'Nce vulette, pe' sti ttrezze,
Ch'a vasà nun ce sta prezze.

Nun c'è bisogno 'a zingara
P''addivinà Cuncè,
Comme t'ha fatto mammeta.
'O saccio meglio 'e te.