Na Bruna

A. Langella - S. Bruni - A. Visco
 



Venètte da tanto luntano
nu furastiero,
nu furastiero...
Restaje 'ncantato d''o mare,
d''o sole e 'a luna,
nu furastiero...

Se 'ncantaje 'e duje uocchie curvine
'e na bruna, 'e vint'anne d'etá...

Chella vò' bene a n'ato
e pe' chillo more,
pe' chillo more...
Pe' nu bellu guaglione
'e piscatore,
'e piscatore...

Furastiero, 'e denare che só'?
Quanno 'o core fa chello che vò'...

Chella s'è fatta 'a croce cu ll'acqua 'e mare,
cu ll'acqua 'e mare...
e po' ha giurato: "Io nun te lasso maje,
nun te lasso maje..."

P''o mare na festa 'e lampáre...
Nu piscatore,
nu piscatore,
s'astregne 'int''e bbracce na bruna
cu 'o velo 'e sposa,
cu 'o velo 'e sposa...

Dice 'a gente: "Cu bona furtuna!...
pe' cient'anne,
pe' sempe accussí..."

Chella vò' bene a n'ato
e pe' chillo more,
pe' chillo more...
Pe' nu bellu guaglione
'e piscatore,
'e piscatore...

Furastiero, 'e denare che só'?
Quanno 'o core fa chello che vò'...

Chella s'è fatta 'a croce cu ll'acqua 'e mare,
cu ll'acqua 'e mare...
e po' ha giurato: "Io nun te lasso maje,
nun te lasso maje..."

Commenti
Cerca
Solo gli utenti registrati possono inviare commenti!

3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved."